أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

انواع الشباب

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 انواع الشباب في الأربعاء أكتوبر 06, 2010 7:07 am

تعالو يا بنات نشوف انواع الشباب والي بيعملووه


النوع الاول : ابجد هوز نت لسه بيزحف بيبى

ده بقي يا بنات تلاقوه اول مره يدخل منتدى اساسا يدخل ع التعارف هاى ازيكو انا اسمى فلان

ومن المكان الفلانى وبدرس كذا وف جامعه كذا وتلاقيه بسم الله ماشاء الله عليه

ما صدق حد يعرف عنه حاجه بيقول على طول ولا كانها ماسوره معلومات واتكسرت

ولمى وراه بئه المعلومات ده بئه يا اما بيبقي سمع عن المنتديات والبنات اللى فيها

يا اما بيجرب حظه وعاوز يتعلم بجد ويشارك ويناقش


النوع التانى : اللى بيقعد ع النت بس مش كتير عم المشغول

ده بقي تلاقيه يدخل المنتدى يرد على توبيك ولا اتنين ويفضل ف المنتدى ساكت مايتحركش

تبعتيله رساله فينه مش حد بيشوفه اون لاين ولا بيرد كتير ليه يقولك اصلى مش فاضى

تصورى دا انا مش فاضى اهرش اساسا وياسلام لو جيتى تبعتى رساله عاوزاه يعمللك فيها عبده المهم

ومايردش الا بعد يومين ويقوللك اسف كنت مشغول مش عرفت ارد .. ده بقي لو دخلتى كلمتيه ميل

يقوللك بعد شويه انا مش فاضى اكتب ايه رايك نكمل الكلام ف التليفون

ده بقي يا تلاقيه مش حسيس ويلح انك تديهوله يا اما يقولك خلاص مش عاوزه حطينى ف التجاهل


النوع التالت : عم المقموص

اول ما تبعتيله لينك توبيك مش يرد تبعتيله رسايل مش يرد ولما ربنا ينتعه بالسلامه ويرد

يقوللك انا زعلان وبيبقي حاطط ايده على كليك الزعل اى حاجه تقوليهاله بهزار يبئه جد

يبقي هو يطلب منك رقمك ياسلام لو اعتزرتى انتى مش واثقه فيا يا اما يقوللك انا احترم قرارك

ومش هطلبه ويتقمصلك كل شويه احلى حاجه واريح حل تعمليه فى قائمه التجاهل اريح


النوع الرابع : عم الخفه الظريف

ده بقي ماتفهميش مين قاله انك دمك خفيف كل ما يكلمك يفضل يستظرف ويقوللك افيهات

المطلوب منك انك تموتى على روحك من الضحك بس حاسبى يا حبيبتى كله الا اعصابك

ف اريح حل ليه يحصل اخوه وتعملى اسمه ف التجاهل وتريحى نفسك


النوع الخامس : المزاجنجى

ده بقي كل شويه بحال شويه فرحان ويبسطك ويدخل المواضيع يهزر وتمام

وشويه يدخل المواضيع يرد بكآبه شويه تلاقيه مجنون ف تصرفاته

وشويه تلاقيه عاقل ورزين ومره واحده يقلب غلس ورخم وغتيت ومره تانيه تلاقيه امور ولطيف

وجنتى خالص ف الحكايه يعنى مش ناقصه هبل وجنان اعمليه زى اخواته ف التجاهل وريحى نفسك


النوع السادس : اللزقه

ده بقي كل ما تدخلى المنتدى تلاقيه راشق ف بروفايلك انتى ف الموضوع ده ليه ؟

بعتلك رساله ياسلام لو مش رديتى ف ساعتها انتى كنتى بتعملى ايه ؟

الواد ده باعتلك لينك ليه وياسلام لو قالك افتحى ميل وقعدى فتره لغايه ما فتحتى ليه انتى كنتى فين ؟

اه ماهو الموضوع الفلانى اهم من موضوعى طبعا مش ناقصه خنقه اعمليه ف قايمه التجاهل وارتاحى وشوفى المنتدى براحتك


النوع السابع : عم الناصح

ده بقي نهارك مش باينله ملامح لو بعتي لواحد او واحده تهزرى معاها وتقوليلها حاجه

يعلقلك ويديكى حكم ومواعظ لا وفيه عروض خاصه اتكلمى كلمه تاخدى عليها 60 نصيحه هديه

وياااااه لو عملتى توبيك ف الصور ولا عملتى توقيع جديد يقوللك عارفه لا خدى الصوره دى احسن

واشبعى منه حكم بقي اقولك حل حلو اوى اعمليه ف قايمه التجاهل هو كمان مع اخواته


النوع الثامن : الحبيب بيحب على روحه

ده بقي يقول ايه يدخللك جرى على قسم المشاكل ف الحل او كلام ف الحب

يا جماعه الحقونى انا حواليا كتير الكل بيحبنى الكل معجم بيا شوشو وتوتو وسوسو

حتى فوفو بتموت فيا ف الكليه الكل بيجرى ورايا وياااااه لو كلمت واحده تموت فيا

المصيبه بقي اول ما هتدخلى تكلميه او تتعرفى عليه يفهم على طول انك بتموتى ف دباديبه

وعاشقه جماله وجمال عينيه ف الضلمه ولو قولتيله اى حاجه هيفهم انك معجبه بيه وهتموتى عليه

ماهو اصل مش بمزاجك هتحبيه يعنى هتحبيه طبعا عارفه نصيحتى شطوووووووره مع اخواته على طول


النوع التاسع : فرحان بجماله

ده بقي اول ما تدخلى بروفايله تلاقى صورته ف كل حته ف الصوره الرمزيه والشخصيه

والتوقيع وكل حاجه صوره وذنب عليكى وعلى اللى خلفوكى لو دخلتيله تتفرجى على صورته

اى حاجه تنزل باسمه على طول صورته ويااااه لو كلمتيه ميل تلاقيه كل شويه يفتح كام

للهوا وذنب عليكى تتفرجى عليه كله الا اعصابك يا حبيبه قلبى

يحصل اخواته على طول ف قايمه التجاهل وتخلصى


النوع العاشر : حوارنجى

ده بئه يدخل قسم السياسه يقوللك ده حرام اللى بيتعمل ده انا لو بايدى حاجه كنت خليت بابى يظبطهم

يدخللك على قسم السارات يقوللك العربيه دى انا كانت عندى بس جيبت الاحدث كانو هيموتو عليها ف الجامعه

يدخللك الكوره يقوللك الماتش اللى ف كوالالمبور ده انا روحته وكان مهازل وخدى من الحوارات والتهتيش ده كتيييير


محدش يزعل من الشباب

بنهززززززر Very Happy

معاينة صفحة البيانات الشخصي للعضو

2 رد: انواع الشباب في الأحد أكتوبر 10, 2010 8:30 pm

الدلوعـــــة


بحراوي فعال
بحراوي فعال
شباب اخر زمن والله خصوصا اللزقة دا ههههههههه
تسلم ايدك يا شوشو

معاينة صفحة البيانات الشخصي للعضو

3 رد: انواع الشباب في الإثنين أكتوبر 11, 2010 3:13 pm

Ahmed Alamir


بحراوي مراقب عام
بحراوي مراقب عام
أنا ولا واحد من دول ايه رايك بقي

هههههههههه

معاينة صفحة البيانات الشخصي للعضو

4 رد: انواع الشباب في الثلاثاء أكتوبر 12, 2010 5:46 am

ههههههههههههههههههه

بنطلع شويه من الي بيعملو فينا بقي

ههههههههههه

ماشي يا احمد

معاينة صفحة البيانات الشخصي للعضو

5 رد: انواع الشباب في الإثنين أكتوبر 18, 2010 8:34 pm

باسل محمود


بحراوي مميز
بحراوي مميز
lol!

معاينة صفحة البيانات الشخصي للعضو

6 رد: انواع الشباب في الإثنين أكتوبر 18, 2010 8:36 pm

باسل محمود


بحراوي مميز
بحراوي مميز
santa فنانه والله

معاينة صفحة البيانات الشخصي للعضو

7 رد: انواع الشباب في الثلاثاء أكتوبر 19, 2010 1:20 pm

ههههههههههههههههههه

نورت المنتدي يا باسل

معاينة صفحة البيانات الشخصي للعضو

8 رد: انواع الشباب في الأربعاء أكتوبر 20, 2010 5:40 am

باسل محمود


بحراوي مميز
بحراوي مميز
والله بنوركو

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى