أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

المعاكسه واجب قومي....

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 المعاكسه واجب قومي.... في الإثنين أكتوبر 25, 2010 9:51 am

انا شفت الموضوووع ده وعجبني وقولت اجبهولكم وتشووووفووو ايه الحل

؟؟؟؟؟؟؟؟؟؟؟؟؟؟؟









المعاكسة واجب قومي وحق تجاه اي بنت نازلة الشارع وتاعبة نفسها ومتشيكه

وحاطة ميكب ونازلة تقول للأرض اتهدي ما عليكي ادي

عايزين ايه من الشباب يعني ... مش لازم يشجعوا المنتج المحلي

وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب

وتنزل الشارع بعد كده محترمة .... ماهو لو محترمة والله ما كانش حد قرب ناحيتها .


بس في مشكلة ....

البنت اللي لبسها كويس ولابسة اسدال كمان او خمار بتتعاكس ليه .؟؟؟

ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده

لازم نربيها بردو وتنزل الشارع محترمه

ساكتة ولا تنطق من اساسه ... مش بقولكم واجب قومي ... بنربي بنات مصر


طب واللي ماشية لابسه محترم ولا حاطة ميكب ولا غيره وماشية في حالها

لا بتضحك ولا بتتمايع ماشية في حالها ... ...لأه بقى ما هي نازلة الشارع

وقاصدة تتعاكس ايه اللي منزلها الشارع لوحدها وهي عارفة الشوارع بقت عاملة ازاي ...

ماهي لو محترمة بجد كانت نزلت مع باباها ولا اخوها ولا خطيبها حتى ...

دي عايزة تعمل محترمة وتضحك عالشباب وتجيب عريس ...

وبردو لازم نبينها على حقيقتها وتتعاكس علشان محدش يفتكرها محترمة ...


طب واللي نازلة مع اخوها ولا خطيبها ولا حتى جوزها (مش نازلة وحدها اهو

ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان

وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها ..

تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم

هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله


طب واللي واقفه في البلكونه الغلبانه بتنشر ولا بتجيب حاجة بالسبت

بيطلع لها ميت واحد من الشارع راصدينها واللي يعاكس واللي يشاور

الله ما هي قاصداها اهي وطالعة البلكونة علشان الناس تشوفها وتتعاكس

هي اللي عاوزة تتعاكس من الاساس ..وانا لما بعاكسها بوريها قيمتها اصلا

هي ايه اللي طلعها البلكونة من الاساس .. تنشر .. هههه دي تلاكيك يا عمنا

دي عاوزة تتعاكس ... ماهو لو محترمة والله ما كنت هاقرب ناحيتها


طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها

شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها

وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها

هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان

علشان تبقى بنت محترمة بصحيح ومحدش يشوفها خااااااالص وتدفن نفسها بالمرة ههههههههههه

***على فكرة انا بوضح لكم ان اللى بيعاكس بيحلل تصرفاته على انه صح وبيقنع نفسه بكدة***

***بس هى غلط مية فى المية ***


وبعدين لو البنت احترمت نفسها ولبست كويس وبطلت المياعه دي اكيد الشباب مش هيبصووو

بس برضوو الشباب مهما البنت عملت بيبصووووو

انا خلااااااااااص مش لاقيه حل قولووووولي نعمل ايه ؟؟????؟؟؟

معاينة صفحة البيانات الشخصي للعضو

2 رد: المعاكسه واجب قومي.... في الثلاثاء أكتوبر 26, 2010 7:58 pm

باسل محمود


بحراوي مميز
بحراوي مميز
هههههههههههههههههه تسلمى

معاينة صفحة البيانات الشخصي للعضو

3 رد: المعاكسه واجب قومي.... في الأربعاء أكتوبر 27, 2010 8:10 am

شكراا لمرورك

معاينة صفحة البيانات الشخصي للعضو

4 رد: المعاكسه واجب قومي.... في الأحد أكتوبر 31, 2010 8:08 am

الدلوعـــــة


بحراوي فعال
بحراوي فعال
اللي بيعاكس دا مش انسان مش بيحترم نفسه اولا ليه ميعتبرش اللي ماشية دي اخته ولا قريبته اكيد مش هيرضاها

معاينة صفحة البيانات الشخصي للعضو

5 رد: المعاكسه واجب قومي.... في الأحد أكتوبر 31, 2010 1:07 pm

عندك حق والله ربنا يهديهم ويهدينا

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى