منتديات أحلي شباب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

لكل بنت نفسها تتجوز ......

3 مشترك

اذهب الى الأسفل  رسالة [صفحة 1 من اصل 1]

1لكل بنت نفسها تتجوز ...... Empty لكل بنت نفسها تتجوز ...... الأحد أكتوبر 31, 2010 5:16 pm

البرنــــ شوشو ــــسيسه

البرنــــ شوشو ــــسيسه
بحراوي متألق
بحراوي متألق


لكل بنت نفسها تتجوز اسمعى الكلام ده وبعدها هقولى مش عايزة اتجوز

انتي في نعمة ومش حاسة بيها عارفة ليه ؟؟ هقولك ..

انتي دلوقتي عايشة حياتك اخر روقان ودلع وعدم ارتباطك له عشر فوايد مش هتحسي بقيمتهم غير وانتي جوا القفص ....



((( 1 )))


مش هتكوني مضطرة انك تستحملي شخصية واحد مختلف تماما عن شخصيتك ... ده غير بقي انه طول الوقت

هيفضل يشخط وينطر قال يعني عامل فيها عنتر وينفعل عليكي بدون داعي ...



((( 2 )))


تاكلي براحتك وبمزاجك الاكل اللي يجي علي بالك من غير ما تقلقي ان كان وزنك هيزيد ولا لاء ده غير انك هترتاحي

من تعليقاته السخيفة والبايخة ومش هيبقي وراه شغلانة غير التريقة عليكي وانتي رايحة وجاية ادامو هيقولك يا تخينة

يا فجعانة .. حتي اللقمة باصص فيها ..



((( 3 )))


حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..

تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان

لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين ؟؟ كنتي فين يا هانم ..؟ بتكلمي مين ؟؟

هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك وهو داير متسرمح

في كل حتة شوية ... اووووووووووووف حاجة تخنق



((( 4 )))


شنطتك فيها فلوس صح ؟؟دي فلوسك انتي لوحدك ...تجيبي بيها اللي نفسك فيه كله روج او برفان

يعني هتجيبي اللي انتي عاوزاه من غير ما حد يدخل في مشترياتك ..

لكن بعد الجواز لو جيبتي حاجة من نفسك هيفضل يقولك وده لازمته ايه ؟ ايه الحاجات التافهة اللي انتي جبتيها دي ؟

مش البيت اولي ؟؟كفاية بعزقة ولمي ايدك .. احنا ورانا مصاريف متدفع انت يا خويا ؟؟

اما هو بقي يروح يصرف علي مزاجه وعلي سجايره ولو قلتيله حرام عليك هيقولك هو انا اللي بشتغل ولا انتي



((( 5 )))


متعودة انك تقضي يوم معين في الاسبوع في اي مكان بتحبيه ؟ او متعودة انك تزوري صحبتك الانتيم ؟؟

او متعودة انك تروحي رحلات مع صحباتك ؟؟؟بتعملي كدة دلوقتي صح ؟؟

هيصي يا بنتي وافرحي ده انتي في نعمة ... شوفي بقي لو اتجوزتي كل ده هيكون احلام وزكريات جميلة وهيكون

ممنوع والغاء من حياتك تماما



((( 6 )))


عندك هواية معينة بتعمليها صح ؟ زي اشتراكك في المنتديات او كتابة الشعر او القراءه

كل ده قوليله باي باي بعد الجواز هيموت يا روحي بعد جوازك انسيه تماما هواياتك الجديدة هتكون ليها شكل تاني خالص

هتكون في هواية الغسيل ونشره طبعا ...وهواية رضاعة الواد اللي عمال يوأوأ

والبيه جوزك منفضلو وعامل نفسه مش سامع

ده غير هواية خياطة قميصه وتركيب زرايرو الواقعة علي طول وياريته بيطمر ( رجالة عاوزة الحرق بجاز



((( 7 )))


بتتكلمى وتقولى رأيك فى كل شىء صح؟وفى اى مكان ومع اى حد ومن غير خوف وقلق صح؟

لا يا ماما لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب

انتي لية بتقولي كدة ؟) ما تعدلى لسانك ؟انتى ازاى تسمحى لنفسك تقولى الكلمة دى,,,, يعني مش هتخلصى من زنو وأرفو ( جتهم القرف



((( 8 )))


انتى بتشتغلى؟اشتغلى اى شغلانة تحبيها وفى اى مكان تختارية

لكن بعد الجواز شغلك هو جوزك اللى هيقرفك فى حياتك بطلباتة وزنو اللى مش بيخلصو



((( 9 )))


بتحبى محمد حماقى؟بتموتى فى هانى سلامه؟ومغرمة بعيون توم كروز؟

حبى واعجبى بأى راجل انتى عايزاة وبحلقى فى دة ودة ...مين أدك براحتك بقى..

لكن مثلا لو حبيتى تقولى رأيك في مطرب او ممثل امور وشيك هيقولك ايه المياصة دي

حماقي ايه وكروز ايه ؟؟بتحبيهم علي ايه دول ؟؟ بيقولك كدة علي اساس ان حضرته عمر الشريف وانتي مش واخدة بالك

وهو بقي يبحلق لنانسي وهيفا ويتنح ادام كليبتاهم وصورهم .. رجالة متملاش عنيها الا التراب ...



((( 10 )))


واخيرا اهم حاجة عندك ايه وبتهتمي بيها ايه دلوقتي ؟؟؟

اكيد جمالك ورشاقتك جسمك رشيق ومتناسق صح ؟ مفهوش كرش ولا دهون ؟ وبتلبسي اللي انتي عاوزاه واصغر المقاسات

ده دلوقتي بس .. لكن بعد الجواز هتلبسي اكس اكس اكس اكس اكس لارج

وفي الاخر هيعيب عليكي ويقولك روحي شوفي البنات اللي في بيطلعو في الكليبات عاملين ازاي ... وهو اساسا بيكون

كرشو ادامو شبرين زي مايكون بالع كورة ولا بطيخة



شفتي بقي اقتنعتي ولا لسة ؟؟؟؟؟


هههههههههههههههههههههههههه


2لكل بنت نفسها تتجوز ...... Empty رد: لكل بنت نفسها تتجوز ...... الإثنين نوفمبر 01, 2010 5:19 pm

باسل محمود

باسل محمود
بحراوي مميز
بحراوي مميز

هههههههههههه بس مش كله كدا يا شوشو بجد مشكور

3لكل بنت نفسها تتجوز ...... Empty رد: لكل بنت نفسها تتجوز ...... الإثنين نوفمبر 01, 2010 6:43 pm

البرنــــ شوشو ــــسيسه

البرنــــ شوشو ــــسيسه
بحراوي متألق
بحراوي متألق

هههههههههههههه اكيد يا باسل

والا كانت الدنيا خربت ههههههههههههه

4لكل بنت نفسها تتجوز ...... Empty رد: لكل بنت نفسها تتجوز ...... الجمعة نوفمبر 05, 2010 7:12 pm

Ahmed Alamir

Ahmed Alamir
بحراوي مراقب عام
بحراوي مراقب عام

بلاش جواز احسن ههههههههههه

5لكل بنت نفسها تتجوز ...... Empty رد: لكل بنت نفسها تتجوز ...... السبت نوفمبر 06, 2010 3:13 am

البرنــــ شوشو ــــسيسه

البرنــــ شوشو ــــسيسه
بحراوي متألق
بحراوي متألق

ههههههههههههههههههه لا مش للدرجادي

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى